SUNDAY

15th Sep 2019

GET MY HOROSCOPE

app
Download
「迪士尼復活節」兔耳蛋♡兔耳小雞玩轉東京迪士尼
12.04.2019

一年一度嘅復活節又係唔少學生哥放長假嘅日子,亦係兔仔出動嘅大日子呀!!東京迪士尼樂園就有圓碌碌嘅「兔耳蛋(Usatama)」,東京迪士尼海洋就有全新人物「兔耳小雞(Usapiyo)」,兩個都咁可愛,要見地就要出發去東京迪士尼渡假區喇~

  1.  

東京迪士尼樂園就有久違兩年嘅「兔耳蛋大逃!(Usatama on the Run!)」復活節限定日間巡遊。由米奇帶領各位迪士尼朋友成為「捉蛋師(Usatama Chaser)」,用各種方法捉返逃走嘅兔耳蛋!唔止各位迪士尼朋友着住色彩繽紛嘅服裝,連兔耳蛋都有不同大細不同顏色。迪士尼朋友手上拎住嘅兔耳蛋係咪好可愛呢?仲有巡遊花車上嘅都一樣好得意!!

  1.  

而東京迪士尼海洋就有首次登場嘅「兔耳小雞」,於地中海港灣上演嘅日間表演「頂精彩復活節(Tip-Top Easter)」就有大量兔耳小雞出場,同迪士尼朋友一齊參加復活節嘉年華。仲有芭蕾舞、雜技、魔術等等精彩表演。最可愛嘅就係兔耳小雞一齊學跳芭蕾舞,邊叫邊跳真係超級可愛呀!!

 

於復活節活動期間,仲可以去搵着住復活節服裝嘅DuffyShellieMay影相!兔耳帽真係好Cute

  1.  

睇完巡遊表演,當然就想將咁可愛嘅兔耳蛋同兔耳小雞帶返屋企喇!東京迪士尼樂園同海洋就可以買到地喇仲可以買埋同米奇米妮一樣嘅兔耳帽或者兔耳頭箍,仲有仲有好多復活節設計精品添!

  1.  

復活節除咗整復活蛋之外,仲可以將蛋食落肚,園多款以雞蛋為主嘅餐點,東京迪士尼樂園嘅「莎拉奶奶的廚房」就有好似雞蛋咁嘅茄汁飯配炒蛋同烤雞扒,而「輝兒杜兒路兒好時光咖啡」就有炸雞蛋腸仔餅三文治。

  1.  

東京迪士尼海洋嘅「波多菲諾咖啡坊」就有復活節特別套裝,有三文魚八爪魚青口冷盤,蕃茄卡邦尼意粉,中間仲隱藏半熟蛋!最後甜品係雞蛋型奶凍。用嚟結束美好嘅一日就最喇!

  1.  

復活節期間園仲有勁多可愛裝飾同佈置。東京迪士尼樂園就有大量兔仔蛋,配合埋「迪士尼復活節:找找兔耳蛋」遊戲,一齊搵勻全樂園入面嘅兔耳蛋啦~

  1.  

另外園仲有唔同卡通人物化身復活蛋,到底有幾多隻呢?就要等大家親自逐隻發掘喇!

  1.  

而東京迪士尼海洋嘅美西海濱就有超Cute嘅兔耳小雞,仲可以坐上去同高飛、唐老鴨一齊影相添!

 

想過一個與別不同嘅復活節,又想認識下迪士尼最新嘅兔耳小雞,就一定要嚟東京迪士尼渡假區喇

 

東京迪士尼渡假區「迪士尼復活節」

日期:201944日~62

東京迪士尼渡假區網站

 

©Disney

Load more