TUESDAY

20th Aug 2019

GET MY HOROSCOPE

app
Download
東京迪士尼海洋歡渡浪漫溫馨聖誕節・Disney Christmas 2018
12.11.2018

正在慶祝35週年嘅東京迪士尼渡假區,將由2018117日~1225日期間舉行今年獨有嘅聖誕節目「迪士尼聖誕節(Disney Christmas)」!東京迪士尼海洋就有全新海上表演節目「聖誕喜來臨!(It’s Christmas Time!)」,當然有應節美食同精品啦!園各區仲有大量聖誕燈飾啊!!去一日都真係唔知睇唔睇得哂呀 >_<

 

首先就帶大家去東京迪士尼海洋,睇下全新嘅海上樂節目「聖誕喜來臨!(It’s Christmas Time!)」,響起令人懷念嘅聖誕音樂,配埋東京迪士尼海洋第一次現場真人演唱,仲有多位迪士尼朋友米奇老鼠、米妮老鼠、唐老鴨、黛絲鴨、高飛、布魯托、大鼻鋼牙等等,仲有Duffy嘅三個好朋友登場呀!!可以一次過見到哂咁多位迪士尼朋友真係超震憾!唔止咁呀,仲有踢踏舞、排舞等等,最後仲會有煙花效果,同聖誕老人出場~要同聖誕老人打個招呼先叫做過聖誕嘛!

 

而夜晚仲有海上娛樂節目「絢彩聖誕(Color of Christmas)」,有DuffyShellieMayGelatoniStellaLou登場!鐘意佢地嘅朋友記得唔好錯過喇♡

 


肚仔餓餓,睇完Show行到地中海港灣嘅「波多菲諾咖啡坊」嘅聖誕特別套餐,有雜菜肉丸忌廉湯做頭盤,配蕃茄蝦扁意粉,甜品就有士多啤梨開心果慕絲蛋糕,內容咁豐富,啱哂做聖誕午餐!

喉仲可以單點甜品,附送埋紀念碟、紀念杯,又食又拎呀!


有聖誕午餐之外,去迪士尼就當然唔少得大量精緻小食啦!!今個聖誕東京迪士尼海洋推出「Taste of Christmas」,於美國海濱幾間小食店提供餐前小食熱酒,啱哂凍冰冰嘅冬天暖下身啊~

  1.  

首先有「哈德遜河豐收小站」嘅熱杏脯雞尾酒,仲有佐酒小食烤雞肉配芝士薯,雞尾酒酒精含量唔算高,飲一杯甜甜地暖下胃都唔錯呀!

另外仲有「自由碼頭小吃」嘅熱柚子雞尾酒,配BBQ豬肉飯捲,BBQ醬濃郁,同入面嘅飯捲好夾啊!

 

鐘意Duffy嘅朋友就更加要留意位於美國海濱嘅「鱈魚岬錦標美食」喇!因為入面仲有好多超萌超可愛嘅Duffy紀念碟、紀念杯等等俾你帶返屋企呀

 

想將「聖誕喜來臨!(It’s Christmas Time!)」嘅迪士尼朋友帶返屋企日日見住嘅話,呢款公仔吊飾就哂你喇 全部着住同表演入面嘅衫一樣超可愛啊!去迪士尼又點少得戴米奇耳仔頭箍呢?今年聖誕就有同米妮同款嘅蝴蝶耳仔,勁靚呀!

另外仲有每年聖誕都會有嘅SnoSnow精品,最啱喺屋企攬嘅大大個毛公仔或者方便拎出街嘅公仔吊飾都有

 

嚟到東京迪士尼海洋又點可以少Duffy and Friends呢?今個冬天包保你買到停唔到手!特大SizeDuffyGelatoni都戴上聖誕帽同暖笠笠頸巾等緊你喇!仲有毛公仔吊飾、電話繩等等陪你迎接聖誕另外仲有哂冬天用嘅冷帽、頸巾,送禮自用都問題呀~

 

每年聖誕氣氛都特別濃厚,想同家人、情人、好朋友一齊分享咁溫馨嘅聖誕節,嚟日本嘅東京迪士尼海洋都係一個好選擇呀!

 

Disney Christmas

日期:2018118日~1225

地點:東京迪士尼海洋


東京迪士尼渡假區

©️Disney

Load more