SATURDAY

20th Oct 2018

GET MY HOROSCOPE

app
Download
與牛郎米奇織女米妮一齊浪漫迎七夕★ミ
14.06.2018

東京迪士尼渡假區由67日至77日舉行為期31日嘅特備節目「迪士尼迎七夕」。東京迪士尼樂園同東京迪士尼海洋分別有打扮成牛郎同織女嘅米奇米妮登場同大家打招呼。

 

東京迪士尼樂園牛郎米奇同織女米妮坐住人力車,同一大班迪士尼朋友、迪士尼公主王子們,伴隨日本傳統七夕音樂同大家見面!全球迪士尼就淨係得東京迪士尼先可以見到傳統七夕造型嘅迪士尼朋友咋!

 

而東京迪士尼海洋都唔輸蝕,由牛郎米奇同織女米妮帶領超萌超可愛着住七夕服飾嘅DuffyShellieMay,仲有海洋先見得到嘅小魚仙艾莉奧公主同艾力王子、茉莉公主同阿拉丁!

 

天氣熱熱地就最嚟返杯凍凍嘅甜品,喺東京迪士尼樂園同東京迪士尼海洋都可以買到士多啤梨慕絲蛋糕連紀念杯,食完仲可以拎埋個杯返屋企做紀念。慕絲蛋糕上面嘅粉藍色啫喱代表銀河,上面仲有七彩粒粒同黃色星星朱古力。

 

迪士尼七夕美食當然唔止咁少啦!想同情人食得豪華少少嘅話,可以選擇去迪士尼酒店-東京迪士尼樂園大飯店同東京迪士尼海洋觀海景大飯店入面嘅餐廳喇!

首先就有位於東京迪士尼樂園大飯店入面嘅雪伍德花園餐廳,自助餐形式包你可以食到飽飽 由頭盤、熱葷至甜品都以七夕為主題,唔止超靚超可愛,仲挑選咗初夏最旬嘅食材,務求俾賓客最好嘅美食享受。而平時去食自助餐一定唔會掂嘅麵包都非常有驚喜!星星形椰果放笹竹麵包船上,甜甜地又唔會太膩,食哂成個都冇問題!

 

想食得再精緻就可以試下位於東京迪士尼海洋觀海景大飯店入面嘅地中海料理餐廳-海洋宮,今次小編就品嚐咗佢地嘅Lunch course,唔止好味,仲好靚呀!三文魚他他配西芹伴芒果熱情果醬汁,酸酸甜甜夠哂開胃。主菜就有燒烤小里肌牛肉配粟米仔枝豆沙律,牛肉超嫩滑!!細細件入口即溶勁好味♡ 甜品係糖煮白桃配薄荷雪葩,中和返牛肉嘅油膩,變得特別清新。

 

另外同樣位於東京迪士尼海洋觀海景大飯店入面嘅中菜餐廳-絲路園,就可以試到同平時香港完全唔一樣嘅中國菜!前菜係牡丹蝦配刺身帶子,唔係誇張,係小編食過最好味嘅牡丹蝦同帶子♡ 因為經過煙燻所以味道特別突出鮮甜㗎!主菜有辣醬油炒小里肌牛肉,少少辣,配埋新鮮夏日蔬果好Fresh!甜品就有芒果布甸配杏仁豆腐,仲有星星啫喱做裝飾勁Cute!


  1.  

而位於東京迪士尼渡假區嘅迪士尼大使大飯店入面嘅亥伯龍廳亦有推出以七夕為主題嘅蛋糕,戴住米奇米妮嘅笹竹船係糖片,可以食得㗎!但咁可愛真係唔捨得食落肚。下面嘅全部都係初夏時令生果,但配埋蛋糕同撻底,夠哂清新呀!

另外仲有七夕特飲,可以自己倒入檸檬汁,令飲品變色!超神奇啊~特飲仲附送埋限定嘅唐老鴨黛絲鴨嘅七夕短冊㗎!

食飽飽就有力氣去Shopping喇!商品以牛郎米奇同織女米妮一齊坐住笹竹船浪漫橫渡銀河為主題,太實在可愛好想全部帶哂返屋企呀!

 

雖然七夕係中國傳統節日,但流傳到日本又有另一翻風味,想感受一下日本浪漫七夕節嘅話,相信東京迪士尼渡假區會係一個好選擇啊

 

舉行期間:201867日至77

東京迪士尼渡假區

 

©︎Disney

Load more