THURSDAY

15th Nov 2018

GET MY HOROSCOPE

app
Download
幽靈到處飄・可愛鬼鬼玩轉東京迪士尼樂園
13.09.2018

雖然萬聖節正日就係1031號,但東京迪士尼樂園又點止玩一日咁少呢?由2018911日至1031日一連51日將會有大型萬聖節活動「Disney Halloween

成個東京迪士尼樂園都化身成古怪嘅幽靈世界,園周圍都有幽靈同鬼鬼,聽落好似好驚咁,但其實一都唔嚇人,反而仲好可愛好得意

 

今年就有全新萬聖節巡遊「Boo!幽靈怪誕大遊行」,園嘅鬼鬼周圍搵新朋友加入地嘅行列,邀請迪士尼朋友們同各位賓客一齊玩!巡遊車隊設計來自東京迪士尼樂園嘅遊樂設施,將巡遊路線變身幽靈版東京迪士尼樂園,真係好搞鬼呀!

咁多位迪士尼朋友仲會變身成鬼鬼!而鬼鬼們亦都為有新朋友加入而大肆慶祝。巡遊路線不同位置會睇到不同故事發展,真係會令人想睇多幾次睇哂所有場景啊!

 

講到去樂園玩又點少得美食呢!

今次萬聖節特別餐飲種類都超多,小編今次就試位於「卡通城」嘅「輝兒杜兒路兒好時光咖啡」嘅帶子忌廉可樂餅夾包套餐,個面包係南瓜型超可愛!沙律醬汁超級好味,同可樂餅勁夾呀!

 

另外講起萬聖節又點少得阿Jack呢?東京迪士尼樂園都一樣食到Jack包!位於「世界市集」嘅「甜心咖啡餐館」就有燻牛肉配蛋沙律三文治喇,唔止好味賣相仲勁靚,萬聖節影相打卡冇咗佢點得呢?

仲有多款連紀念碟紀念杯嘅甜品,復古風設計真係迷死唔少美少女呀

 

食飽飽補充好體力就要開始血拼喇!事關今次萬聖節精品真係可愛到不行!頭先巡遊入面見到米奇同米妮變身鬼鬼,原來仲可以將地帶返屋企~一樣可以換衫仔真係超盞鬼!

 

其他仲有以萬聖節甜品為題嘅精品都一樣可愛!南瓜蝙蝠型蝴蝶結、鬼鬼斗蓬樣樣都勁得意!買返去萬聖節正日仲可以一齊扮鬼扮馬添~

 

一年一度萬聖節咁大件事就當然要慶祝下啦!東京迪士尼樂園、一班迪士尼朋友同園嘅鬼鬼們已經準備好迎接大家,加入地嘅鬼鬼行列喇!咁可愛咁得意咁盞鬼,一齊玩兩個月又點話呢!

 

日期:2018911日~1031

地點:東京迪士尼樂園

 

©︎Disney

Load more