THURSDAY

15th Nov 2018

GET MY HOROSCOPE

app
Download
壞蛋們出巡・東京迪士尼海洋鬼魅處處
14.09.2018

睇完東京迪士尼樂園萬聖節有咩玩,今日就轉一轉場去東京迪士尼海洋啦!同樂園唔同,海洋氣氛陰森又華麗,到底係點㗎呢?

 

原來係各迪士尼動畫電影中登場嘅迪士尼壞蛋呀!!每日上演兩場嘅「壞蛋天地」就有睡公主嘅Maleficent、阿拉丁嘅賈方、小魚仙嘅烏蘇拉等坐住船嚟到東京迪士尼海洋嘅地中海港灣,向各位賓客展示地不同嘅魅力。仲邀請埋多位迪士尼朋友參加地嘅萬聖節派對添!

 

地中海港灣嘅大型節目之外,美國海濱仲有迪士尼壞蛋們嘅手下,打算招攬賓客加入地嘅壞蛋行列,因住一個唔小心被地嘅魅力吸引返唔到轉頭啊!!

 

玩到哂又係時候醫下個肚仔。東京迪士尼海洋呢邊「地中海港灣」嘅「波多菲諾咖啡坊」就可以一次過食勻三大壞蛋嘅主題餐點,有白雪公主巫婆嘅毒蘋果造型肉丸做前菜,101斑點狗庫伊拉嘅黑白色意粉同睡公主Maleficent嘅甜品,想為公主們報仇嘅話呢度方便又快趣大啖食哂落肚就最喇!>_<

 

「阿拉伯海岸」嘅「凱茲堡餐飲廣場」就有阿拉丁嘅賈方為靈感嘅咖喱餐點,混勻仲會變色添勁得意呀!配埋黑色印度薄餅,意外地好正宗喎!

 


另外仲有多款連紀念碟紀念杯嘅甜品㗎!一於將迪士尼萬聖節氣氛帶返屋企♡

 

講到有咁多迪士尼壞蛋出場,又點少得佢地嘅精品呢?多款眼鏡、髮飾可以幫你即時變身壞蛋們。仲有剛剛喺「壞蛋天地」登場嘅米奇同佢嘅好朋友,亦有出到好可愛嘅公仔掛飾,帶佢地返屋企陪住你過萬聖節就啱喇♡

 

東京迪士尼海洋嘅萬聖節活動同樂園又完全唔同,唔同表演唔同食物唔同精品,想玩勻兩邊都要準備定至少兩日時間喇!想見迪士尼壞蛋們嘅話就一定要嚟東京迪士尼海洋喇

 

日期:2018911日~1031

地點:東京迪士尼海洋

 

©︎Disney

Load more