SATURDAY

19th Oct 2019

GET MY HOROSCOPE

app
Download
同彼思動畫朋友玩轉東京迪士尼海洋☆Pixar Playtime 2019
16.01.2019


去年開始於東京迪士尼海洋舉行嘅「皮克斯遊戲時間(Pixar Playtime)」,今年繼續有得玩!來自彼思動畫嘅反斗奇兵、怪獸公司、反斗車王、海底奇兵、超人特攻隊、沖天救兵、五星級大鼠、勇敢傳說之幻險森林、玩轉腦朋友,仲有最新玩轉極樂園嘅彼思動畫朋友都可以見到啊~

 






重頭戲當然係每日上演兩至三次嘅「皮克斯好友來遊戲(Pixar Playtime Pals)」,真係可以近距離見到絕大部份彼思朋友♡ 遊戲分成兩大部份,頭一部份係同彼思朋友一齊玩,好似同反斗奇兵嘅胡迪、巴斯光年、翠斯同紅心一齊做代表佢地嘅動作,仲有同超人特攻隊嘅超能先生同彈弓女俠教大家做運動,最後仲有最新超人特玫隊2出哂位嘅Jack Jack添呀!最後仲有一眾海底總動員嘅Mo仔、馬倫、多莉喺特製嘅泡泡入面同大家作近距離接觸,真係好可愛呀佢地!

 

第二部份就係彼思朋友登場!怪獸公司嘅大眼仔、毛毛,沖天救兵嘅卡叔、羅小飛,五星級大鼠嘅Remy、勇敢傳說之幻險森林嘅梅莉達、玩轉腦朋友嘅阿樂同阿愁、超人特攻隊嘅E夫人都會加入同大家Say Hello!毛毛真係好大隻好得意呀,仲有阿樂同阿愁都超可愛啊~

 

同完咁多彼思朋友見面後都唔好唔記得仲有反斗車王嘅Lightning McQueen呀!喺「閃電麥坤勝利巡遊」入面,如果被揀中仲可以一齊加入McQueen車隊添~

 

想品嘗下五星級大鼠嘅美食唔洗去到法國咁遠嘅,佢地喺東京迪士尼海洋開咗間期間限定分店,可以親眼睇到工星級大鼠Remy親自炮製美食,搓麵包嘅Remy會唔會太過得意啊??!!

 


大眼仔朱古力曲奇、超人特攻隊咖、胡迪蛋糕、勞蘇奶凍、毛毛卷蛋等等餐飲,都加彼思朋友元素,外表全部都咁靚,食之前記得影相留念呀!

 

東京迪士尼海洋出名精品特別靚,今次活動都唔例外,出好多淨係今次先有得賣嘅精品,仲有扭蛋添!全部都好想要囉

 

不同地方仲有唔少擺設可以影相留念,仲有攤位小遊戲,鐘意彼思動畫嘅朋友玩足一日都一定唔會厭啊!

 

PIXAR PLAYTIME

日期:2019111日~325

地點:東京迪士尼海洋

 

©Disney©Disney/Pixar

Load more