SATURDAY

15th Dec 2018

GET MY HOROSCOPE

app
Download
{西野七瀨}解體新書2018 (1) 七瀨的「成熟清秀臉」分析研究
12.11.2018

從身體每一部份分析拆解,七瀨而家嘅心情與時尚

{西野七瀨}解體新書2018

由頭至尖,分別身體每個部份集中解七瀨嘅時裝與美容!記緊留意埋七瀨最近至愛嘅私物介紹啊♡

 

七瀨的「成熟清秀臉」分析研究!


 

{眉毛}眉頭幼細蓬鬆眉毛・最近愛畫劍眉 

「理想係蓬鬆柔和眉毛。眉頭修得自然、幼細,向住眉山呈<型,注意形狀漸漸變粗。整體長度較長會可以更有小顏效果!」 

{睫毛}睫毛液鐘意揀修長&根根分明款式

「比起濃密睫毛,我比較喜歡既修長又美觀嘅根根分明曲線睫毛!持久捲曲睫毛Base熱睫毛夾由根部梳起睫毛根根分明款式睫毛液,就係我平時自己化妝時嘅定番。」

{淚袋}根據當日想化嘅形象調節眼影位置 

「淚袋……我有冇呢(笑)?不過我會有明亮米色閃粉眼影搽喺下眼瞼。想俾人可愛印象時就搽喺眼珠下面,想成熟啲就搽眼頭,會特別講究搽喺咩位置。」

{雙頰}同膚色好夾嘅珊瑚色輕輕地搽上圓形 

「前排我都仲係唔搽胭脂,但最近又想搽返!最常用嘅就係同膚色好夾嘅珊瑚粉紅色。喺頰骨位置輕輕圓圓地咁搽上。」

{嘴唇}而家至愛嘅係好似橙色嘅紅色!

「唇色喜好由偏啡色嘅紅色,轉為偏橙色嘅紅色。冇特別防止乾燥,淨係喺瞓之前搽上大量保濕潤唇膏。瞓着咗就唔會覺得冇嘢痴住嘴唇(笑),而且效果仲好好添!」

 

{頭髮}髮尖輕輕搖拽・減甜Bob

 「比起滋潤型洗頭水,更喜歡清爽型。唔少人話我頭髮好柔軟,因為咁清爽型洗頭水先適合我。好似咁樣輕輕搖拽嘅髮尖,唔會太過甜美嘅髮型我好鐘意啊♡」

 

Onepiece/dazzlin

 

西野七瀨解體新書

頸部

上衣揀樽領款就係七瀨Style

 

「樽領、高領、將恤衫衫紐扣到頂。唔知點解就係鐘意圍住條頸。今季留意緊嘅上衣就係令人懷念嘅鬆身樽領針織上衣。」

 

有光澤嘅短毛針織樽領做出淑女一面

冬天定番嘅樽領針織,只要揀有光澤嘅短毛質料,配粉紅啡色就一樣好有新鮮感。紮起頭髮,強調纖瘦嘅頸部就可以提升女人味喇。

Knit/CITYHILL (MAJESTIC LEGON)

Earrings/Osewaya

Load more