THURSDAY

15th Nov 2018

GET MY HOROSCOPE

app
Download
【連載:乃木坂46西野七瀨之nanase-self】-閱讀
01.09.2018

夏天,總係想喺涼快嘅室內悠閒地睇書 。

七瀨會睇嘅書係…?

 

#閱讀

由小學時期開始已經好鍾意睇漫畫。

睇得太入神嘅時候,明明喺屋企,但不知不覺間仍然會企咗喺度睇(笑)

One piece/BEAMS BOY原宿

Glasses/Ray BEAMS原宿 (NOEYEDIA)


我第一次睇晒全集嘅係一部動物愛情喜劇漫畫!

我諗我會睇嘅書,有99%都係漫畫(笑)。小學低年班嘅時候,我超鍾意一本叫「ぷくぷく天然かいらんばん」嘅少女漫畫,當中嘅主角係一隻狗仔,而其他角色都係狗呀貓呀之類嘅動物,對於鍾意小動物嘅人而言,絕對會令人睇到欲罷不能,而呢本漫畫亦係我第一次主動收齊全集嘅作品。其後因為爸爸同哥哥買嘅都係少年漫畫雜誌,所以我鍾意嘅類型,逐漸轉移咗去少年系漫畫度。哥哥睇完嘅漫畫,我無意中翻開嚟睇,主角嘅冒險故事、特殊能力等等,都令我感受到有別於少女漫畫嘅衝擊。當時我遇到嘅《銀牙–流星銀(銀牙–流れ星銀–)》和《搞笑漫畫日和 (ギャグマンガ日和)》,直到而家都仍然好鍾意,喺我心目中係屬於殿堂級作品!空閒嘅時候,我會喺屋企書架上隨便拎一本出嚟翻睇。原本只打算睇一陣,點知越睇越入迷,不知不覺間變咗企喺度睇緊(笑)。

講到身邊鍾意睇書嘅人,就必定係Kazumin(高山一)。喺乃木坂46嘅工作現場,感覺佢喺等候時間一直都喺度睇書。對我而言,小說係搭飛機呢種長途交通個陣嘅伴侶。然而,當我想睇嘅時候,又會因為種類太多太豐富而唔知睇咩好……。而且,睇有好多角色嘅作品時,每次出現人名,我都會諗「呢個人係邊個?」而要睇返前面嘅內容去確定。小說唔可以用圖像去記憶,所以我覺得佢比起漫畫更考記憶力。對我呢個初接觸小說嘅人,以前Kazumin曾經推薦過我睇湊佳苗(湊かなえ)所寫嘅《反轉 (ース)》。本書睇落去幾厚,但我一直記得Kazumin話過「結尾最後一行好正㗎!」,所以我經常會帶住本書去做嘢,一有時間就會睇下。果然,就如Kazumin所言,結局真係好有衝擊力,的確好值得我努力睇晒。Kazumin為雜誌寫過小說,係一個作家。之前因為工作關係一齊去咗關島,並且成為我室友嘅Kazumin,曾經一邊講「就嚟Deadline喇~!」,一邊用小小嘅打字機埋頭寫作 ()。我都有睇過Kazumin所寫嘅作品,感覺好似一般小說家寫出嚟嘅文章,完全無違和感,Kazumin真係超勁。如果講到對佢下一本作品嘅要求……就一定係請佢寫少啲角色(笑)。


憑寫喺手帳上嘅詞語,推測以前發生過嘅事

除咗漫畫之外,我睇得最多嘅,就係由有養寵物嘅人所畫嘅網上漫畫,內容都係一啲同動物相處嘅日常趣事,仲有就係搵人收養貓狗嘅人所寫嘅文章……。成日都睇到忘晒形,完全唔記得時間!更切身嚟講,我平時鍾意喺手帳記低當日發生過嘅事,有時都會拎返出嚟睇。最近用緊嘅手帳係帶有月曆嘅Monthly類型。設計非常簡單,方便我貼上自己鍾意嘅貼紙、自己排版。我記低嘅,都係食過嘅嘢、睇過嘅電影同埋舞台劇嘅名……。然後,為咗唔會忘記上次幾時去咗睇牙醫同去髮型屋,我都會將呢啲行程一一記低(笑)。由舊年開始,我有將當時鍾意嘅遊戲、常聽嘅歌同埋待做清單等等嘅事寫落去手帳度。譬如……最近嘅話,我寫咗「將牛油交俾Kazumin」(笑)。如果我將當時嘅感思好具體咁寫低嘅話,事後就會覺得好難為情而唔會想再睇返,所以我而家都只會留低好短嘅關鍵字,然後留返俾以後嘅自己去估,呢個係我小小嘅執著。


為配合主題,「Doiya-san」識七十二變!

本月之nanase-sense。

正讀緊自己個名嘅頭一個字。重點係要喺「」字下面畫返個影子,睇起嚟就好似飄浮緊咁。

Doiya-san=鍾意嘅書本類型係繪本。睇嘅時候會投入作品嘅世界觀之中。


Model/西野七瀨 Photo/田形千紘 Hair & Make up/野口由佳 (ROI) Stylist/松尾由美 Text/吉川由希子 Support/アワビーズ

Load more