THURSDAY

18th Oct 2018

GET MY HOROSCOPE

app
Download
【連載:乃木坂46西野七瀨之nanase-self】-長大
01.07.2018

以生日為契機,回顧過去一年,真係過得好充實!

24嘅目標宣言之中揭開令人意外嘅目標

 

#「長大」

我唔想一直停滯不前,所以大個我覺得好開心。

Blouse/COCO DEAL 

Denim pants/RD Rouge Diamant 

Earrings/ABISTE


目標係用100日圓品去收拾整理屋企,而且變得更擅長收納!

525日係我24嘅生日。24,應該係好成熟嘅大人了吧,自己都嚇一跳(笑)。我一邊諗「咁樣真係OK?我係咪一個合格嘅24大人?」,一邊覺得「唔想停低!」,對於有咁樣諗法嘅我嚟講,年紀增長果然係一件開心事。又一年,一步一步咁踏實向前進發。 

作為乃木坂46嘅成員,可以喺夢寐以求嘅東京巨蛋開演唱會,而個人方面做到電影同電視劇嘅主角,仲出到第一本個人Photobook23歲呢一年,我挑戰過唔同類型嘅工作,幾乎係我入咗乃木坂46之後最忙碌嘅一年。主演「電影少女 – VIDEO GIRL – 2018」時,同劇組嘅飯豊Marie(飯豊まりえ)成為我團外第一個結交到嘅藝人朋友 係去到會互相聯絡問嗰一日得唔得閒然後一齊去食飯。亦因為咁,我嚟到23歲,先知道同人一齊出去食飯有幾開心(笑)。講到其他變化,多咗出去散步應該算一個。但只限於春天同秋天呢兩個適合散步嘅季節(笑)。最近,我出門完成咗要事之後,都會去附近嘅神社行。每逢遇到放學嘅小學生同家長,佢哋都會令我感歎起世道真係和平,連帶心情亦會變好。

24歲嘅目標,係一如以往咁坦然接受自身嘅改變,並愉快地生活落去。然後仲有提高收拾整理嘅能力!重新整理屋企裡面嘅嘢,判斷邊啲係需要邊啲係唔需要,然後行勻100 Yen店,買齊需要嘅收納工具!依家對收納好有興趣關於收納技巧,依家我想提高我嘅摺衫技術。現時有慢慢練習緊。獨居初期,我嫌要摺洗好嘅衫好煩,所以一般都只會摺成四折或者就咁放置一邊(笑)。但舊年喺拍攝現場,我被造型師摺得超靚嘅衫擊中,憧憬嘅同時,亦開始變得超想要呢個技能。一邊睇一邊模仿佢嘅動作嚟練習,依家成功率越嚟越高喇。



經常受到「要為乃木坂46而做」嘅決心所帶嚟嘅衝擊

雖然未去到心靈相通嘅地步,但我都會因為「想食咩?」「我頭先都想講呢樣!」之類嘅對話而瞬間變得興奮(笑)。前一排某日收工之後,我先同“Suika (スイカ)”組嘅成員去過食燒肉。當時,我同伊藤Karin (かりん) 已經執緊嘢準備走,而 (斎藤) 優里突然出聲話「好肚餓呀~好想食肉呀~」。我即刻理解到,咁係想叫大家一齊去食飯(笑)。我一邊心諗如果去得成就好啦,一邊望住佢哋兩個人嘅反應,結果Hina (川後陽菜) 都表示會去。但出乎意料地,(伊藤) 純奈居然話唔去當我一言不發咁探頭凝望佢嘅時候,佢終於妥協。可喜可賀!最終全部人都去得成(笑)。

乃木坂46嘅第二十張單曲「Synchronicity (シンクロニシティ)」,所描寫嘅係唔洗講出口心意都會相通嘅瞬間。而生駒 (里奈) 會喺呢張單曲之後畢業。對我而言,生駒係乃木坂46嘅中心,無時無刻都將乃木坂46嘅事放喺第一位,從來冇猶疑過。我喺佢身上受過嘅衝擊,真係多到數唔到。亦因為咁,我相信佢畢業之後,仍然會喺唔少地方發光發熱。祝福佢以後發展順利。

 

為配合主題,「Doiya-san」識七十二變!
本月之nanase-sense

Doiya-san親自穿起嘅佛珠手鏈,超滿足!以前,我全家人都有同一款佛珠,望入佛珠穿繩個窿度,仲會見到生肖圖案添

Doiya-san=為保持美腿,每日朝早起身之後必定會做深蹲。


Model/西野七瀨 Hair & Make up/KITA (Nord) Stylist/松尾由美 Text/吉川由希子 Support/logi PLANTS & FLOWERS

Load more