WEDNESDAY

24th Oct 2018

GET MY HOROSCOPE

app
Download
【連載:乃木坂46西野七瀨之nanase-self】-距離感
23.09.2018

七瀨一邊抱住貓一邊訴同身邊人融洽嘅關係。

同家人去旅行時嘅經歷亦係必讀部份

 

#「距離感」

雖然感情好好,但平時相處嘅時候大家都幾隨意。

我鍾意我同屋企人之間恰到好處嘅關係。

Knit/titty&Co. LUMINE EST新宿店  

Skirt (預計9月發售)/lilLilly TOKYO

Beret/kaorinomori Laforet原宿店

Earrings/ABISTE

Pumps (部份分店有售)/GU


踏入24歲嘅瞬間,係一個人喺黑暗中度過(笑) 

今次同可愛嘅曼切堪貓一齊拍攝!最初,佢明顯對我有所戒備,但去到中途就似乎進入咗放棄模式(笑),開始任我擺布。而我就唔會貿然接近佢,會靜心等待佢放低不安同心防,主動靠近我。我覺得,呢個係親近小動物嘅要訣。佢肯親近我我真係好開心,打破隔膜之後,我不停撫摸佢,最後仲用手機影咗合照留念 

我同家人之間嘅距離,唔近唔遠,係好普通個種掛?雖然唔係話每次一放假就會返去探佢哋,但當遇到麻煩事嘅時候,就會不期然想向父母撤嬌……。最近,都淨係叫爸爸幫手,將近排都唔會再著嘅衫,車返老家。5月下旬,我同媽媽、哥哥三個人一齊去金澤旅行,玩咗兩日一夜。去下重要觀光景點,浸下溫泉,食下海鮮……。正因為係同屋企人一齊去,所以整個旅行,並唔係會令我爆笑嘅個種(笑),而係可以悠閒地放鬆身心個種,感覺超充實。話,旅行第二日仲要係我嘅生日。但第一日出去玩得太,所以夜晚9點左右就得我自己一個先上床休息。凌晨12點前,雖然我突然醒,但就完全唔想郁,懶懶閒咁瞓喺度。當時媽媽同哥哥喺第二間房睇緊電視,而我,就喺一片黑暗嘅睡房之中,迎來我嘅24歲。我對呢件事冇咩特別感覺,所以第二日朝早都冇提起生日嘅事(笑)。雖然同家人平時見面嘅機會有好多,亦會一齊去旅行,但就唔會互相詳細咁報告自己嘅近況。同佢地一齊嘅時候,我可以自在放鬆咁過,呢個距離真係令我舒心。

高速公路上嘅休息站係長途交通嘅樂趣

學生時代,雖然我唔擅長跑特定距離,但就幾鍾意游水。我好享受上游泳班,而且揀家族旅行嘅落腳點嘅時候,爸爸媽媽甚至係用有冇泳池呢點去揀添。小學生嘅時候,我曾經上過游泳班。每次考核合格升班時,泳帽上嘅徽章就越多。真係好懷念!而比起游水,我更愛潛水。雖然冇確切咁計過時,但我相信我嘅巔峰時期係小學34年級左右。我仲記得我曾經好沉迷於浮喺水中身體變輕嘅感覺。反而,我總係掌握唔到拋波嘅投射距離。因為膊頭嘅力較弱,喺演唱會中拋波嘅時候,總係拋唔出靚嘅拋物線,成日只會喺斜下方落下……。而家我會選擇由下而上咁拋出去, 努力一下希望盡可能拋到遠一啲。

我係會享受搭新幹線或者飛機等長途交通工具嘅人。前一日,我甚至有預先諗定做咩好添:「聽日搭車嘅時候,睇一套戲再瞓一陣應該啱啱好吧?」話說最近,我認識到一個位於阿根廷布宜諾斯艾利斯嘅小鎮──卡米尼托。聽講個度嘅彩色建築物好出名。總有一日,我會花一段長時間拜訪個度。

搭長車嘅日子,高速公路上嘅休息服務區就係我嘅樂趣之一。最近,第一次去位於東京灣嘅「海螢停車區」。因為有唔少時間,所以仲去埋遊戲中心玩,玩多年未再玩過嘅夾公仔機。一邊跟住店員嘅建議一邊玩,唔洗30分鐘就夾到我想要嘅公仔!超有成功感(笑)。

 

為配合主題,Doiya-san」識七十二變!

本月之nanase-sense


為紀念同貓一齊進行拍攝,將Doiya-san嘅眼睛畫成好似貓眼咁。去到好光嘅地方,瞳孔會縮到咁細吧。

Doiya-san=長途交通嘅伴侶係頸枕。但戴邊度係一個謎……。

 

 

Model/西野七瀨 まきゃべり Photo/浜村菜月 (LOVABLE) Hair & Make up/KITA (Nord) Stylist/松尾由美 Text/吉川由希子

Load more