WEDNESDAY

24th Jul 2019

GET MY HOROSCOPE

app
Download
【連載:乃木坂46西野七瀨之nanase-self】-多謝
27.01.2019

粉絲、家人、成員。對住重要嘅人,

講出充滿感激之情嘅「多謝」。

 

#「多謝」

收到媽媽俾我嘅一封信。

被各種感謝嘅字句感動得淚流不止。

Knit/FOREVER 21

Skirt/HONEY MI HONEY
Short boots/R&E


巴黎玩機動遊戲,受到文化衝擊!

 

我作為乃木坂46嘅成員活動至今,已經有7年。回顧返,我覺得令我心存感激嘅瞬間真係多不勝數。而我之所以會加入到乃木坂46,全因為我媽媽。我宣布咗2018年年尾就會畢業嘅消息之後,某日返到屋企,發現喺我外出時候嚟幫我煮飯嘅媽媽,留低咗一封信。封信嘅內容,由「呢7年嚟辛苦晒」開始,講到「今後亦都會繼續期待你嘅發展」,最後仲話「對於可以一直喺你身邊支持你,我好感激」。一直以來我都因為太忙而冇時間買著去握手會嘅衫,而媽媽就會專程喺大阪幫我幫好衫再帶嚟東京俾我。另外爸爸每個月都會嚟東京一次,幫我執屋。爸爸媽媽一直都有喺唔同方面支持我,幾乎令我可以忽略東京同大阪之間嘅距離,我諗如果冇咗佢哋嘅支持,我一定冇辦法堅持到而家。我以為我只為屋企人帶嚟咗負擔,冇諗過佢哋會同我講多謝。抱住咁樣嘅想法,我一邊睇封信,一邊喊到停唔到。

 

同「西瓜組(スイカ)」嘅成員伊藤Karinかりん)、伊藤純奈、川後陽菜、斉藤優里一齊嘅時光真係特別開心,所以我亦都想向佢哋講多謝。每年我哋都會一齊去旅行,而2018年就去咗巴黎。 Iku(生田絵梨花)代替陽菜同我哋一齊去嘅巴黎之旅,最大嘅目標就係去巴黎嘅迪士尼樂園玩!我幾鍾意玩會令人尖叫嘅刺激型機動遊戲,通常會一路玩一路叫。但係嗰次最後玩嘅Hyperspace Mountain實在太刺激,玩到中途表情開始變得嚴肅之餘,仲有種心臓停頓嘅感覺……。係一次超越想像嘅體驗(笑)。


喺巴黎旅行嘅時候,受到當地人嘅幫助嘅事,亦變成美好嘅回憶。當時我地喺地鐵閘口用唔到IC卡而非常苦惱嘅時候,好彩得到旁邊經過嘅一位女士嘅主動幫助。而講到地鐵,就令我諗起有一次搭緊地鐵嘅時候,Karin(かりん)向已經行到好攰嘅我哋派發痠痛貼布,而企喺旁邊嘅一位大叔就好似好感興趣咁望住我哋。然後,佢應該係用法文問我哋「呢樣係咩?」,最後我哋將貼布送咗俾佢。佢收到之後手拎住塊貼布好開心咁落咗地鐵,真係好可愛。

遇到3期生之後萌生嘅「姐姐屬性」

 

12月號後,今個月non-no再次同Yoda(与田祐希)一齊拍攝,當時被工作人員讚我係姐姐。但我從來都唔係咁樣嘅形象,而且實際上,一直以來我都係依賴住其他人生活,更習慣受人照顧(笑)。所以自從3期生入嚟之後,一方面受到佢哋仰慕而覺得開心,一方面又自然地生出「姐姐屬性」。如果我遇到3期生嘅話,我諗我都唔會發現到自己有呢一面。再一次覺得有幸能遇上呢一班可愛嘅後輩真係太好喇!

如果講到想向身邊邊一樣嘢講多謝嘅話……應該係被鋪同枕頭(笑)。因為呢個係可以帶俾我幸福感覺嘅組合。兩個普通嘅枕頭,再加上抱枕,同埋喺夾公仔機度夾返嚟嘅鯨鯊公仔,呢四樣嘢係我瞓覺必備!以前我唔係好知抱枕嘅好處,但聽聞喺手腳之間夾住Cushion之類嘅嘢瞓覺嘅話,可以減輕身體嘅負擔,我試咗跟住嚟做,發現的確係會瞓得更舒服。雖然好多謝佢哋,但每朝起身,四個之中總係有一個係跌咗落床(笑)。


為配合主題,「Doiya-san」識七十二變!

本月之nanase-sense


今次可能係我第一次畫鞠緊躬嘅Doiya-san。雖然因為影子嘅關係,睇落好似係道緊歉,但其實呢個係表達緊謝意嘅樣。

Doiya-san=對於可以光合作用嘅嚟講,陽光就係精神泉源。每一日都感謝呢份來自大自然嘅饋贈。

★西野七瀨1st Photobook「わたしのこと」好評發售中!

 

Model/西野七瀨 Photo/熊木優 (io) Hair & Make up/白水真佑子 Stylist/藤井晶子 Text/吉川由希子

Load more