WEDNESDAY

17th Oct 2018

GET MY HOROSCOPE

app
Download
新川優愛
non-no MODEL
優愛嘅時尚定番圖鑑vol.2 間條T恤
04.06.2017

20歲起就想收集嘅「絕不過時款式」

優愛嘅時尚定番圖鑑-間條T恤

Border T-shirtBeltBeret (All from agnès b)bag (agnès b VOYAGE)/agnès b
Denim pants/Lee JapanShoes/Khaju LUMINE EST新宿店 (GAIMO)


再一次着起好耐冇着過嘅間條衫,重新認識到間條就係休閒風嘅好幫手!


近幾年,工作以外嘅時間,我都沈醉咗喺超簡約嘅風格之中,間條呢啲圖案已經好耐冇着過。不過今日咁着一着,再一次覺得間條圖案真係好好。到底咩好呢?就係間條畀到人好親切嘅感覺。


例如黑×白嘅淨色配搭好易畀人硬朗嘅印象,但如果係間條的話,就會變到休閒又容易親近。而間條嘅顏色可以係正統嘅黑色×白色、深藍×白色,襯闊腳牛仔褲可以營造今年嘅流行感,想可愛啲就不妨襯飄逸嘅裙。另外,去嘅地方都係講究之一!例如洋溢歷史氛圍嘅鎌倉、流露復古氣息嘅柴又,都同間氣好夾,大家又會想着住嚟去邊度呢?


今次着嘅間條衫係出自象徵住法式休閒嘅『agnès b』。白色包邊圓領設計加上間距適中嘅條紋,款式非常優秀。呢件間條T之所以長期熱賣,係因為佢有適當嘅寬鬆度,唔單止着得舒服,而且咩身型都Carry到。間條×闊腳褲,再襯流行嘅貝雷帽同紅色小物,打造出法國海洋風格。 明明係好大路嘅着法,但造型之中總可以流露出新鮮感,呢樣就係間條嘅時尚魅力!


今期之優愛相集

擔任志倉愛理一角!

日劇『櫻子小姐的腳下埋著屍體(櫻子さんの足下には死体が埋まっている)』(逢星期日21時~CX系)由4月23號起開始播放。我好比心機拍㗎,大家記得睇呀~!


Model/新川優愛 Photo/伊藤大作 (The VOICE) Hair  Makeup/川添カユミ (ilumini.) Stylist/笠原百合

Load more