WEDNESDAY

24th Oct 2018

GET MY HOROSCOPE

app
Download
新川優愛
non-no MODEL
【連載:新川優愛YUAism】單戀
05.03.2017

YUAism

 大家嘅煩惱就由優愛認真回答啦


今期主題

單戀

喜歡單戀,因為能夠觀察到對方好多優點。縱然會有難過嘅時候,但戀愛嘅心動感覺卻係令人心醉~。

No sleeves knit (Set-up)/snidel

Skirt/merry jenny


煩惱1

由春天起喺我上莊嗰度有位Year 4男生,我要用盡全力先可以稍微同佢搭話,再咁落去前輩畢業之後就更少機會見面……我係咪應該喺佢畢業之前表達心意?(Ha-chan大學一年級生)


YUA’s answer

努力縮短同前輩之間嘅距離

畢業之後就見唔到面一定好傷心~!如果係我,我會喺前輩畢業之前比心機,令我地嘅關係變得更好,從而縮短我地之間嘅距離。例如出現喺前輩視線範圍之內、好好打招呼咁,所以應該唔會急住表白~只要畢業之前變Friend啲,之後就可以繼續保持聯絡,如果到時仍然喜歡對方,先再表白都可以呀。因為我係如果唔能夠確定「自己100%會成功!」,就冇勇氣表白嘅類型(笑)。你要比心機呀!!


煩惱2

我單戀咗大我7年嘅人兩年半,我曾經向對方表明過心意但之後就冇進展,但佢就話到咗20歲就約我食飯,我應唔應該抱有期待呢啲? Chanhi-19歲)


YUA’s answer

戀情好有機會開花結果!

成熟嘅男性好有魅力又有學識,一齊嘅時候好似可以學到好多嘢。我都明白你嘅感受,對方會唔會係考慮到你未成年,所以先會話「等你20……」咁呢?如果係咁的話,我覺得呢段感情好有機會開花結果!而且能夠咁為年紀比自己輕嘅女生著想嘅男性,真係好優秀相信對方係想好好珍惜你先會咁講,不如你就記住佢呢句說話,到20歲嘅時候就約佢去食飯。


煩惱3

喺我兼職嘅地方,有一位我有啲在意嘅Year 4前輩,佢3月份就會辭職唔做。我又稱唔上喜歡佢,而關係都唔係特別Friend……不過我就係唔想咁就完結! Ruru・大學1年級生)


YUA’s answer

繼續保持交流,確定自己嘅心意

有啲在意對方、由朋友做起……因為我冇經歷過所以唔太清楚真實情況係點……不過兩個人分開好可能會令自己察覺到內心真實嘅感受,所以,唔想就咁完結,會唔會即係代表你已經鍾意咗佢呢?自己一味苦惱都只會令情緒低落,一於問對方拎聯絡方法!然後認真啲思考自己到底係點諗,如果確定自己喜歡對方的話,就約埋對方一齊放工喇~!


煩惱4

一年級嘅時候我同一位男生交往過一段好短嘅時間,分開咗之後對方仍然鍾意我,於是我地就一直保持住聯絡。但最近聽到佢有女朋友嘅消息,覺得好震驚!我好似有啲鍾意佢……(毛玉・大學2年級生)


YUA’s answer

咁樣並唔係真正嘅愛情,可能出自妒忌

咁樣真係算得上係鍾意?會唔會係因為一直都喺你身邊嘅男生忽然間有咗女朋友,令你覺得失落?即使而加用盡方法令到佢回心轉意,往後發展都唔會順利。我認為呢種感受並唔係出自愛情,反而同妒忌有啲相似。既然對方一直都對你咁好,你不如就趁而家一心一意咁支持佢嘅新戀情喇!


・今期之優愛開心事・

我最愛就係食嘢

食到喜愛嘅食物就係我最幸福嘅時候。令大家最覺得幸福嘅又係咩呢?為咗嗰樣嘢,返工返學都要加油呀!


Model/新川優愛 Photo/藤原宏 (Pygmy Company) Hair  Makeup/野口由佳 (ROI) Stylist/石田綾 Text/通山奈通子

Load more