WEDNESDAY

23rd Jan 2019

GET MY HOROSCOPE

app
Download
【連載:乃木坂46西野七瀨之nanase-self】-聲援
30.12.2018 / non-no MODEL

今年年尾我就會由乃木坂46畢業。

正正因為有大家溫暖嘅聲援帶俾我力量,

我先可以踏出新一步。

 

#聲援

好多人我嘅Blog度留言多謝我,

但其實要講多謝個係我至真。

Vest/ZARA Japan Customer service

Shirt/Bershka Japan Customer service

Denim/3rdSpring

Cap/casiTA

Sneaker/VANS JAPAN


久違地叫我「七瀨」嘅哥哥俾我嘅電郵

演唱會,係我可以直接得到粉絲聲援嘅地方。成員就話有Mic去講嘢或者唱歌,但喺觀眾席上嘅粉絲,就只能用自己把聲去為我哋聲援,一諗到佢哋嘅聲音可到傳達到去舞台上,我就覺得無比感激。今年9月,我以乃木坂46成員身份,參演咗喺中國西安開辦嘅演唱會。呢次係我發表畢業之後,第一次企喺台前面對大家,而當地嘅粉絲,當時就用日文同我講「恭喜畢業!」。佢哋知道我畢業嘅消息之餘仲識用日文講呢句話,一定係事前有查定同練習過,一諗到呢點我就更加開心。而且12月嘅時候,我哋仲喺上海開咗海外首個單獨演唱會!「希望有朝一日可以企喺海外單獨演唱會嘅舞台上」──呢個夢想我終於喺畢業前實現到。

唔需要直接見到粉絲但又可以聽佢哋心聲嘅地方,就係喺我嘅Blog嘅留言欄度。而呢個亦係由我出道至今一直支持我堅持落去嘅地方。喺Blog上發表畢業嘅時候,我真係收到好多好溫暖嘅留言。數量竟然高達5位數!我每日都會逐啲逐啲咁睇留言,其中令我覺得意外嘅,係寫住「多謝」嘅留言居然比起「恭喜畢業」或者「辛苦晒」嘅有更多。因為,其實要講多謝嘅,應該係我至真……。驚訝嘅同時,亦令我重新感受到「原來堅持到7年,係一樣能夠令人感激我嘅事,我能夠堅持到落嚟實在太好了」。

畢業報告喺Blog上更新嘅時候,我同其他成員一齊綵排緊。綵排完結之後望一望手機,訊息多到令我有「我今日生日咩?」嘅錯覺。因為我平時淨係會有關於工作嘅聯絡,如果有超過10件以上嘅通知嘅話我會覺得好驚(笑)。一打開手機,發現啲訊息係來自知道我要畢業嘅老家朋友,同埋以前共演過嘅富田望生和飯豐Marie(飯豊まりえ)。而我哥哥就喺家人嘅群裡面同我講「七瀨,辛苦晒」。以前哥哥總係叫我做「矮妹」。但係佢就叫返我「七瀨」,令我好驚訝。久違地被叫名字,感覺有難為情。

迷上遊戲實況,克服恐怖類作品

如果講到而家會令我為聲援嘅,當然係遊戲實況(笑)!雖然恐怖遊戲好恐怖,但裡面加入解謎嘅元素,總令我不經不覺間睇得入迷。睇嘅時候仲會一齊諗「咁樣做嘅話應該就可以過到關掛?」,然後實況主通關個陣就好似我自己過到關一樣咁開心!我幾乎每日都有睇,繼續咁落去,我好期待之後可以克服以前一直唔擅長嘅恐怖系電影或者電視劇(笑)。

遊戲實況之外,另一樣令我著迷嘅,係一個叫「Jeraadon(ジェラードン)」嘅三人搞笑藝人組合。我好耐之前就電視上面睇過佢哋嘅表演,記得佢哋好有趣,然後去年年尾突然記起。我完全唔記得佢哋嘅組合名,所以我唯有努力用我記得嘅搞笑橋段裡面嘅關鍵字去搜尋,最後順利搵到(笑)。再睇返佢哋嘅短劇,果然仍然覺得好有趣!我好鍾意佢哋各自演出嘅角色同佢哋本人嘅性格可以重合到呢一點。我不時都會同同樣鍾意Jeraadon嘅經紀人,用電郵互相分享好笑嘅搞笑橋段,兩個人一齊傾得都好興奮♪


為配合主題,「Doiya-san」識七十二變!

本月之nanase-sense

決勝負前的Doiyan-san。單膝跪地,微微起雙眼鎖定目標,請大家為呢個鬥志滿滿嘅樣打氣(笑)!

Doiya-san=Doiyan-san想聲援嘅人,係朝早返工返學嘅人潮中,向公司或者學校進發嘅人。


Model/西野七瀨 Photo/熊木優 (io) Hair & Make up/野口由佳 (ROI) Stylist/金山礼子 Text/吉川由希子 Support/アワビーズ


Load more