SATURDAY

15th Dec 2018

GET MY HOROSCOPE

app
Download
【連載:乃木坂46西野七瀨之nanase-self】-特別
18.11.2018 / non-no MODEL

七瀨身邊特別嘅存在究竟係?

然後,決定由乃木坂46呢個「特別」嘅地方業嘅七瀨,

將會盡訴而家嘅心聲。

 

#「特別」

強勢嘅眼妝。

只需要改變妝容其中一部份,就可以發掘到自己未知嘅一面

Knit/Mila Owen

Blouse/EMODA LUMINE EST新宿店


向上挑嘅眼線配藍色眼線,而眉妝就畫得比較精緻。有別於平時嘅妝容,今次我挑戰咗一個有啲強勢嘅眼妝。強調眼妝嘅感覺,超級新鮮!雖然我自己私底下算係擁有襯膚色嘅粉紅色同橙色眼線筆(笑),但就好少用得到。彩色妝容,感覺只有去大型音樂節嘅時候先會用得上!但我平時又好少會去呢啲地方……(笑)。但正因為咁,而家我可以見識到自己嘅另一面,所以我覺得化妝同穿搭真係好好玩。大約4個月前,我買咗一條好可愛嘅長連身裙,而佢對我嚟講算係幾特別。正如大家所想(笑),我係喺網上搵到佢嘅。條裙唔太華麗,設計好有心思,但顏色就係米色,整體感覺比較內斂。喺屋企試著過一次,但就冇著過佢出街。因為我真係好鍾意呢條裙,所以我唔想著住佢去拍攝場地,因為去到就要換嘅話感覺好浪費!我一直都期待可以著住佢出去玩一整天。

對於室派嘅我,除屋企之外,可以令我開心嘅地方,就係髮型屋。除剪髮同染髮之外,我一般都會做埋頭部按摩。頭皮按摩嘅感覺實在太舒服,所以開始後5分鐘之我必定會著(笑)。做完Treatment之後,頭髮會變得好順滑,心情亦會隨之變好。我會一邊用手指梳過頭髮,一邊自我感「好勁呀!頭髮完全打結!!」。而且,我好鐘意染完髮之後殘留頭髮上嘅香味。因為2日之後陣味就會消散,所以我會趁兩日瘋狂聞(笑)。

今個月12月號刊,我上non-no封面。而封面拍攝,果然係特別。感受到成本雜誌嘅形象交俾我嘅責任感。拍攝前一日,我好夜先返到屋企,錯過食晚飯嘅時機。雖然個肚餓到咕咕聲,但我一邊諗住「瞓咗就係勝利!」,一邊餓住個肚上床覺。第二日拍攝完之後,我即刻食返拍攝場地嘅提供嘅肉去補返數,感覺個時食嘅肉都特別好味。如果講到自己整嘅特別味道嘅話……就係「醃魚丼飯」!突然心血來潮嘅時候,會去超市買啲吞拿魚同三文魚嘅刺身,再用豉油同味醂去醃製。然後第二日,將佢擺上去米飯上面整成海鮮,係我微小嘅樂趣如果再加埋三文魚子,味道都幾特別!唔算係因為做咗咩而有嘅犒賞,而係112次,感覺隔一段時間覺得差唔多嘅時候,就會整嚟食。雖然最近聽講蓋飯會令人傾向食得更快,而對身體唔好,但我都係抵受唔住誘惑,食得超快(笑)。


特別嘅回憶 「平成最後嘅夏天」嘅巡迴演唱會

參演乃木坂46嘅全國巡迴演唱會各地奔波,係每年夏天嘅例行活動。但因為今年係「平成最後嘅夏天」嘅巡迴演唱會,所以今年嘅回憶比以往更特別、深刻。雖然外場都有唔少,但最後嘅宮城公演完結之後,我再次覺得我真係特別鍾意呢種感覺開揚嘅演唱會。公演之後當地搞嘅成員聚餐,都係我嘅樂趣之一。特別係福岡食嘅壽喜燒,真係難以忘懷!雖然演唱會完場之後嘅聚餐都係召集想去嘅人,然後一齊去嘅,但因為呢間店我之前都有食過,所以咁多個地方聚餐之中,福岡可能係有最多人嚟嘅一次(笑)。除可以食到當地好味嘅飯菜之外,仲會有演唱會後嘅幸福感,可以用放鬆嘅心境去同其他成員傾偈、一齊笑,真係好開心!由1期生到3期生都可以暢所欲言,係一個非常難得嘅機會。 

由而家到年末,將會有唔少特別音樂節目。同萬聖節、聖誕節相關嘅節目亦會多起嚟。去年,某個節目上,全部成員都有Cosplay,而我當時就著咗壘球嘅制服。諗起嚟咁就過咗一年,時間真係過得快(笑)!私底下我完全冇Cosplay過,而喺工作上有機會Cosplay,感覺好似賺咗一樣,我全程非常投入玩得超開心。話說,我好鍾意睇「TUNNELS的託大家的福(とんねるずのみなさんのおかげでした)」裡面其中一個環節──「因為太細緻而傳達唔到嘅模仿比賽」。雖然好遺憾地呢個節目已經停播咗,但佢仲播緊嘅時候,我每一集都有睇。雖然裡面有好多瘋狂嘅笑話,但唔知點解笑到停唔到(笑)。

雖然失去乃木坂46呢個容身之所會令我不安,但我都係想出去外面嘅世界,感受其他不安和快樂

 

向成員宣告畢業嘅前一晚,因為太緊張而唔著

首次談及畢業嘅事,係喺non-no嘅採訪裡面……即係920日。呢一日,我向大家宣佈我即將喺今年年尾,由對我而言好特別嘅乃木坂46畢業。喺呢日之前,我已經同成員講咗。因為我想親口同大家講,所以喺「乃木坂工事中」拍攝完結之後、第22張單曲選拔發表之前,我借咗少少時間嚟講。前一晚,一諗到「聽日就要講喇……」,就覺得超級緊張,雖然身體明明好攰,但就點都瞓唔著。當日,喺拍攝嘅休息時間一返到去休息室,就緊張到坐立不安。究竟應該要點講,明明喺腦海裡面預演咗好多次,但一去到正式講個陣,就突然覺得「大家俾咗咁寶貴嘅時間我,我要速戰速決!」而最後講得超快。因為當時係選拔發表前,大家本來就好緊張,所以都冇咩睇到其他成員嘅表情。但係我都意識到要輕快咁講出嚟,唔可以令氣氛變得陰沉。畢業對我而言,就係一個積極向前看嘅決定。



之後喺選拔發表當中,我當選為Centre。開心嘅同時,又覺得單單因為畢業就得到Centre嘅位置,而對其他努力想成為Centre嘅成員感到抱歉。但係,今次有成員被首次選入選拔組,對佢哋嚟講呢一張單曲絕對會係印象深刻,而且,無論入唔入到選拔嘅成員都好,為咗所有成員,為咗我自己,都希望可以做出一個好作品。選拔發表完結後,有工作人員同我講「七瀨,辛苦晒」,(秋元)真夏亦有Send訊息同我講「好寂寞,我支撐唔到去七瀨畢業個陣」。無論邊一樣,都係對我7年來作為乃木坂46其中一員嘅慰藉,每當我諗到呢點都會覺得開心。同時亦令我覺得一直堅持到落嚟真係太好了。我覺得我會考慮「畢業」,對我嚟講係非常自然嘅一件事。最初我係同父母商量呢件事。我記得佢哋聽完我講之後,同我講「如果你決定咗咁嘅話,我哋會支持你」。再過咗一排,我終於向事務所表達呢個意願,而呢樣已經係1年以上之前發生嘅事。作為乃木坂46成員活動嘅時候,我得到好多唔同嘅經驗,而不知不覺間,我開始覺得喺組合裡面想做嘅嘢都做晒。為拍攝電視劇「電影少女‐VIDEO GIRL AI 2018‐」,我離開組合,一個人同其他年齡相仿嘅演員一齊演戲,我感覺呢個經驗亦係令我下定決心畢業嘅助力。而且,考慮到現時嘅乃木坂46。組合裡面有好多可以信賴嘅成員,就算我離開都唔會有問題。咁樣嘅話,我唔想再喺相同嘅地方停滯不前,我想探索新嘅環境,見識外面嘅世界。對於呢個諗法,我從來都好堅定。

至於畢業之後我會變成點,而家我完全想像唔到。但係,如果可以繼續做non-no嘅模特兒我會好開心。然後……就算只有好少戲份都好,我好希望可以有演戲嘅工作。雖然至今為止我出演過電影同電視劇,但作品同作品之間隔得太耐,感覺每次我喺演戲嘅時候學到嘅嘢之後都會清零,令我覺得「我係咪原地踏步緊?」而失去信心……。所以,我希望今後可以繼續演戲,積累演技同鍛練心境。而家我嘅腦海中,6成係開心,而4成係不安(笑)。雖然冇咗乃木坂46呢個容身之所會覺得寂寞不安,但連同呢一樣嘢我都好想體驗一下。對於咁樣嘅我,如果大家可以繼續守護我嘅話我會非常感激!


為配合主題,「Doiya-san」識七十二變!

本月之nanase-sense

嘅妝係一樣嘅♡ 雖然作為乃木圾46參與嘅活動今年年尾就會完晒,但畢業演唱會會下年舉辦。大家可以期待一下!

Doiya-san=被邀請去朋友嘅生日派對時,會好似插圖咁樣特別打扮。

★西野七瀨1st Photobook「わたしのこと」好評發售中!


Model/西野七瀨 Photo/今城純 (D-CORD) Hair & Make up/中山友恵 (Three PEACE) Stylist/笠原百合 Text/吉川由希子

 

Load more