Vol.23

更深入、更正確、更流行！

從20歲開始實踐可愛基本Beauty！

即使係用同一件化妝品都可以完全唔一樣

只需化妝掃就可以令美人度大增十倍！

自己化妝硬係麻麻地……。即使努力練習都係冇進步（淚）。如果你有呢個煩惱嘅話就可以試下用專用嘅化妝掃喇！！學識正確嘅用法，就可以化個好妝！

掌握「化妝掃四大天王」嘅正確用法！

我地已經向咗Hair & Makeup Artist野口小姐請教基本嘅四大化妝掃嘅正確用法喇！要做個化妝達人就一定要學識！

化妝掃煩惱Q&A

Q 化妝掃應該咩時候換新？

A 毛開始甩開始飛起時就要講拜拜喇

「洗完化妝掃後，佢唔會回復本來嘅形狀，開始散開嘅時候就要買過支新㗎喇。又或者開始甩毛，開始歪埋一邊嘅時候都要買新㗎喇。」

Q 仲有冇其他方便嘅化妝掃？

A 遮瑕掃＆眉掃

「唔少人都話眼眉好難畫，又或者遮瑕遮得唔好，呢個時候就可以買支遮瑕掃同眉掃喇。比起用附送嘅化妝掃或者用手化得靚好多㗎」

遮瑕掃

想遮住暗瘡時，將遮瑕掃垂直點上想遮嘅位置就好方便。

用較硬身嘅遮瑕膏時用。

KOBAKO Concealer Brush B (Slide)/kai Customer Service

眉掃

用眉掃嘅平面部份，由眉頭至中間廣泛圍地上色，做出自然眉毛。

幼細嘅眉尾或者唔夠色嘅部份就用眉掃前端嘅斜面，一條一條畫上。

有彈力嘅斜面掃，可以一條一條畫好眉毛。

DHC Eyebrow Brush/DHC

Q 點洗化妝掃先啱？

A 用洗面乳等等2～3星期洗一次

「每日都接觸到皮膚嘅化妝掃，其實」痴滿細菌。一定要2～3星期洗一次，保持清潔。用化妝掃專用清潔劑或者洗面乳清洗就唔會傷到化妝掃，可以用得耐啲啊」

「未洗嘅時候，每日化完妝後一定要用紙巾抹走污垢再保管」

「黏度較高嘅唇膏，沾上Gel狀唇膏就可以令唇膏浮起再清除」

Q 正確嘅保管方法係？

A 放入保管箱就最好

「避免沾上塵埃，放入化妝掃專用範入面就最啱。冇嘅話可以放喺夠高嘅BOX入面企起都可以。記住要收喺架入面，防上塵埃！」

Q 尼龍製同天然毛有咩分別？

A 根據用途分別用唔同化妝掃

「各有各好處，唇掃等等需要彈力嘅就多數會揀尼龍製，而掃上皮膚要夠舒服唔吉肉就天然毛比較多。揀適合嘅就OK」

Q 化妝掃到底要買幾多支先夠？

A 基本嘅四支！

「想化妝化得更好嘅話買今次介紹嘅4～5支就夠。唔方便一口氣買哂咁多支就可以由胭脂掃入手。化出自然嘅胭脂就已經可以俾人化妝好叻嘅印象」

Model/佐藤Eri　撮影/青柳理都子 (Model)　橋口恵佑 (Product)　Hair & Makeup/野口由佳 (ROI)　Stylist/田中麻理乃　Text/松井美千代