Vol.22

更深入、更正確、更流行！

從20歲開始實踐可愛基本Beauty！

「於眉毛～眼睛打直剪就會成功！」

保證成功的自助瀏海剪髮

人人都試過自己剪瀏海，望落以為好簡單，但點解硬係剪唔好？為咗解決大家嘅煩惱，我地就搵咗人氣造型師教我地剪髮秘訣！

「自助瀏海剪髮」嘅基礎疑問為你一一解決！

大家最想知嘅瀏海疑問我地已經幫你問咗真木小姐喇！

Q 瀏海剪得太短可以點遮醜？

A 撥成斜瀏海令瀏海睇落長啲！

將瀏海撥斜，令髮尖連成一線，就可以將短過眉毛嘅瀏海都變得唔明顯！

使用咗佢！

效果輕盈，幫你做出有空氣感嘅Hair spray。

NIGELLE LAFUSION LIGHTFOG/MILBON (Salon專賣品)

①分界開始用曲髮棒捲曲

淨係分界位置嘅瀏海用曲髮棒輕輕捲曲，咁就可以輕鬆撥斜。

②用定型噴霧固定瀏海方向

髮尖噴上少量嘅定型噴霧，再將瀏海方向打斜整理好。

③後面嘅分界位拉較多頭髮

比起瀏海拉出更多頭髮，蓋住瀏海整理好。

連系髮尖做出有女人味嘅曲線同長度

Blouse/Noela

Earrings/Goldy

Q 瀏海有鬈髮，好難剪！！

A 仔細吹好再剪

拉住鬈髮相反方向，邊拉邊吹就可以吹直瀏海，剪之前要仔細吹直。

Q 鉸剪打直同打橫剪有咩分別？

A 剪出嚟嘅效果會唔同，初學者就要打直剪

打橫剪可以剪到一直線，做出型格瀏海。但要成功打橫剪直線需要一定技術，怕會失敗嘅話就打直鉸剪嚟剪啦。