WEDNESDAY

12th Dec 2018

GET MY HOROSCOPE

app
Download
日常妝容必備的自然系睫毛液♡FLOWFUSHI Motemascara推介
09.01.2018

呢個牌子嘅眼線液好用大家就聽得多喇,而佢地出嘅睫毛膏,大家可能覺得有啲陌生。其實佢地出咗9款睫毛液咁多,全方位照顧大家嘅需求,今次就等小編介紹下邊款好用啦!

包裝同樣行一貫嘅高質感華麗風,管身係金屬,色彩鮮艷,個樣真係贏晒♡

而Motemascara其實係分咗做三個系列,分別為自然系列,效果系列,同技巧系列。

由於小編嘅睫毛既短又稀少,所以覺得自然系列就真係太自然(笑),如果你嘅睫毛條件同小編差唔多,都係比較推介你用效果同技巧系列!接住落嚟,就等小編介紹邊三枝好用喇~


喺9枝睫毛液當中,小編覺得最好用就係效果系列嘅Dramatic (上圖右四)!

佢可以同時做到纖長同濃密,同埋根根分明嘅效果~更重要嘅係,膏體唔會太濕,一拎出嚟就可以直接上眼,唔洗用紙巾沾掉多餘嘅睫毛液,而且又唔會咁容易令啲睫毛痴埋一齊。

卸妝方面都好方便,用眼唇卸妝液輕輕敷一下就可以輕鬆卸乾淨~


要Keep到睫毛全日都唔塔又點少得睫毛打底!

呢枝Gloss & coat,係專門設計俾植過睫毛嘅人用,主要用嚟Keep住卷翹度同埋防暈染。有別於其他牌子嘅睫毛打底,佢嘅纖維和睫毛液都係黑色,咁就唔怕後面上睫毛膏上得唔勻露咗白色出嚟喇。

上完呢款打底,都會見到有少少纖長同濃密嘅效果,令後續嘅效果更好~


最後,呢一枝係Boost & primer,刷頭超級細,可以照顧到平時用大刷頭上睫毛膏個陣照顧唔到嘅位置,譬如眼頭、眼尾,同埋下睫毛等等,想個眼妝更精緻就靠佢喇~


FLOWFUSHI

Motemascara (全九款)

售價:1800円 (未含稅)

Load more